Tonino Delogu

Babu e fizu

Babbu e fizu sunu passizende

In unu buscu de elighes e de suelzos

Arrivana a una funtana

Aculzu b'ada unu sezidolzu

Totu fattu 'e pedra

«Ba' chie l'a fattu totu custu?»

«Custa est sa manu de s'omine tribagliante

chi amada e rispetta' sa natura»

Sighini a caminare e arrivana

A un'adde tota niedda

Brujada dae su fogu

«Ba' e custa chie l'a'brujada?»

«Custa est sa manu de s'omine dannalzu

Chi pro interessu o pro dispettu

Distruede sa natura»

«Isperia Ba' custa piantina

Creschende in mesu su brujadu

Ei cussas fozas 'ildes

In cussu trunzu titieddosu»...

«Cussa est sa manu de Deus

Chi ripara' sos dannos chi faghen

Sos omines a su dissignu Sou»".

Sa cheja de Santu 'Ainzu

Sa cheja de Sant'Ainzu in Patada

In un'altura de metres noighentos

Onorada sa zente mai torrada

Dae sas gherras sos chi sunu isentos

Gighede a sa destra un'adde manna

A manca s'abitadu solianu

Su boschetto de fronte a sa gianna

Monte Lerno a palas pro gualdianu

Sa prima dominiga de Sant'Andria

Onz'annu bei nara' sa missa Babbai

Pro mantennere in sa memoria sempre ia

Cussa zente chi no ch'est torrada mai.

Buon anno a Silvana

Si gita" totu sas penas

S'annu chi si nd 'andada

Su nou chi l'acumpanzada

Ata' bene a manos pienas

Prego a Deus chi nos lassede

Chin saludu onzi die

De annos impare a tie

Ateros chentu che nde passede